پاکستان نے رافیل کو مار گرانے کی فوٹیج بھارتی ایجنسی کے افسر سے کتنے میں خریدی؟تفصیلات منظرعام پر

اسلام آباد(ویب ڈیسک)پاکستان کی جانب سے بھارت کے مار گرائے رافیل طیارے کی بھارتی ایجنسی کے افسر سے فوٹیج حاصل کرنے کی دلچسپ تفصیلات سامنے آگئیں، پاکستان نے 7 مئی کو بھارت کے 3 رافیل سمیت 6 طیارے مار گرائے تھے۔ اس حوالے سے ڈیجیٹل شو میں بھارت کے خلاف جنگ میں پاکستان کی اہم کامیابی سے پردہ اٹھایا گیا۔ رافیل کو فضا کا شاہین یعنی طاقتور جہاز کہاجاتا ہے اور یہ آج تک گرا ہی نہیں تھا اگر اس کی فوٹیج نہ ملتی تو شاید اس معرکے کا لطف نہ آتا۔ بھارتی رافیل جہاں پر گرا وہاں بھارتی سکیورٹی فورسز نے علاقے کو گھیر لیا اور عام عوام کو وہاں جانے سے روک دیا۔

بھارت سے ملنے والی فیلڈ انٹیلی جنس میں بتایا گیاکہ بھارتی ایجنسی کے فلاں رینک کے افسر کے پاس رافیل طیارے کی فوٹیج ہے جو حادثے کے مقام پر بنائی ہے اس کا نمبر بھی دیا گیا۔ ہمارے ایک افسر نے اس بھارتی افسر کو کال کی اور کہاکہ میں انٹرنیشنل میڈیا کا نمائندہ ہوں اور آپ سے فوٹیج اپنے ادارے کیلئے لینا چاہتا ہوں۔ ہمارے افسر کا اندھیرے میں پھینکا ہوا تیر 100 فیصد نشانے پر لگا اور بھارتی افسر نے فوٹیج کے بدلے پیسوں کی ڈیمانڈ کی جس پر انہیں کہا گیا کہ اکاونٹ نمبر دیں اس پر پیسے بھیج دیتا ہوں۔افسر نے کہا کہ آپ اس کی گارنٹی دیں کہ یہ فوٹیج اصلی ہوگی آگے سے جواب آیا کہ پیسے دیں۔انہوں نے اکاونٹ دیا تو اس پر پیسے بھیجے گئے اور فوٹیج بھی دئیے گئے مطلوبہ نمبر پر مل گئی۔ بھارتی افسر نے فوٹیج کے بدلے 50 ہزار بھارتی روپے مانگے تھے جو بغیر کسی بھاو تاو کے اسے دے دئیے گئے۔یہ فوٹیج ایسی تھی جس کو ہم نے وائرل کیا اور دنیا کو ماننا پڑا کہ رافیل کو گرادیا۔