سانحہ سوات، ہیلی کاپٹر کا استعمال کیوں نہیں کیاگیا؟ رپورٹ طلب

پشاور (کھوج نیوز) پشاور ہائیکورٹ نے سانحہ سوات کے متعلق درخواست پر تحریری حکم جاری کرتے ہوئے کہاکہ دو ہیلی کاپٹرز کی موجودگی کے باوجود ان کا استعمال کیوں نہیں کیا گیا۔

تفصیلات کے مطابق پشاور ہائیکورٹ کی جانب سے جاری تحریری فیصلے میں کہا گیا کہ پروونشل انسپکشن ٹیم کے چیئرمین عدالت میں پیش ہوئے اور بتایا گیا کہ 7 دن میں تحقیقات مکمل کرکے رپورٹ جمع کی جائے۔عدالت نے حکم دیا کہ ایڈیشنل اٹارنی جنرل، سول ایوی ایشن اتھارٹی رپورٹ جمع کرائیں کہ 2 ہیلی کاپٹرزکی موجودگی کے باوجود ان کا استعمال کیوں نہیں کیا گیا؟ عدالت نے حکم دیا کہ سانحہ سوات پر جامع رپورٹ 14 روز کے اندر جمع کرائی جائے، عوام کے تحفظ کے لئے اداروںکے اقدامات سے متعلق رپورٹ بھی جمع کرائی جائے اور ایڈوکیٹ جنرل بھی رپورٹ جمع کروائیں۔