پاکستان
عدالت نے اسد قیصر کو بڑی خوشخبری سنا دی
سابق سپیکر قومی اسمبلی اسد قیصر کو لانگ مارچ توڑ پھوڑ کیس میں بری کر دیا گیا ہے ان کے خلاف تھانہ کوہسار میں مقدمہ درج کیا گیا تھا
اسلام آباد(کھوج نیوز) اسلام آباد کی ڈسٹرکٹ اینڈ سیشن کورٹ نے سابق سپیکر قومی اسمبلی اسد قیصر کو بڑی خوشخبری سنا دی ہے جس کے بعد پاکستان تحریک انصاف میں خوشی کی لہر دوڑ گئی۔
تفصیلات کے مطابق اسلام آباد کی ڈسٹرکٹ اینڈ سیشن کورٹ نے سابق اسپیکر قومی اسمبلی اسد قیصر کیخلاف لانگ مارچ توڑ پھوڑ کیس سے متعلق درخواست پر فیصلہ سنایا۔ عدالت نے تحریک انصاف کے رہنما اور سابق اسپیکر کو اس کیس سے بری کردیا۔ اسد قیصر سمیت تحریک انصاف کے دیگر رہنماں کے خلاف لانگ مارچ کے دوران توڑ پھوڑ کا مقدمہ تھانہ کوہسار میں درج کیا گیا تھا۔
