خیبرپختونخوا اسمبلی کی مخصوص نشستیں، 25ارکان نے حلف اٹھا لیا

خیبرپختونخوا (کھوج نیوز) خیبرپختونخوا اسمبلی مخصوص نشستوں پر کامیاب ہونے والے 25ارکان نے حلف اٹھا لیا ہے ، چیف جسٹس پشاور ہائیکورٹ نے حلف برداری کیلئے گورنر کو نامزد کیا تھا۔

تفصیلات کے مطابق خیبرپختونخوا اسمبلی کے اجلاس میں آج مخصوص نشستوں پر کامیاب 25 ارکان حلف نہیں اٹھاسکے تھے، اجلاس شروع ہوتے ہی کورم کی نشاندہی کی گئی تھی جس پر اسپیکر بابر سلیم سواتی نے اجلاس 24 جولائی دوپہر دو بجے تک ملتوی کردیا۔ اس معاملے پر اپوزیشن جماعتیں پشاور ہائی کورٹ پہنچیں اور چیف جسٹس پشاور ہائی کورٹ نے حلف برداری کیلئے گورنر کو نامزد کیا تاہم اب مخصوص نشستوں پر کامیاب ارکان اسمبلی نے حلف اٹھالیا۔ گورنر خیبرپختونخوا فیصل کریم کنڈی نے ارکان اسمبلی سے حلف لیا۔ تقریب حلف برداری گورنر ہاس میں ہوئی۔

جے یو آئی کی 7 خواتین اور 2 اقلیتی ارکان، مسلم لیگ ن کی7 خواتین اور ایک اقلیتی رکن نے حلف اٹھایا۔ پیپلزپارٹی کی 4 خواتین اور ایک اقلیتی رکن اور اے این پی کی 2 اور پی ٹی آئی پی کی ایک خاتون حلف اٹھانے والوں میں شامل ہیں۔ خیبرپختونخوا اسمبلی میں 145 اراکین کی تعداد مکمل ہوگئی۔