پاکستانیوں نے رواں سال کتنے ارب کی چائے پی؟ اعدادو شمار سامنے آگئے

اسلام آباد(کھوج نیوز) پاکستانیوں نے رواں سال کتنے ارب کی چائے پی؟ اس حوالے سے سابقہ تمام ریکارڈ ٹوٹ گئے ہیں اور حیران کر دینے والے اعدادو شمار سامنے آگئے ہیں۔

تفصیلات کے مطابق سرکاری دستاویزات میں بتایا گیا ہے کہ گزشتہ مالی سال میں 2 لاکھ 46 ہزار 514 میٹرک ٹن چائے منگوائی گئی جس کا درآمدی بل 62 کروڑ 90 لاکھ ڈالر رہا۔ دستاویز کے مطابق 2023-24ء کے مقابلے 2024-25ء میں درآمدات میں 4.20 فیصد کمی ریکارڈ کی گئی، مالی سال 2023-24ء میں 2 لاکھ 59 ہزار میٹرک ٹن چائے درآمد کی گئی۔ صرف جون 2025ء کے دوران پاکستانی 14 ارب 18 کروڑ روپے کی چائے پی گئے، جون کے دوران 19 ہزار 804 میٹرک ٹن چائے درآمد کی گئی، ایک ماہ میں چائے کا درآمدی بل 4 کروڑ 97 لاکھ ڈالر سے زائد رہا۔ دستاویز کے مطابق مئی کے مقابلے جون میں چائے کی درمدآت میں 16.94 فیصد کم رہی، مئی کے دوران 21 ہزار 971 میٹرک ٹن چائے درآمد کی گئی جس کا درآمدی بل تقریباً 6 کروڑ ڈالر ریکارڈکی گئی۔