پاکستان
حماد اظہر نے عدالت جانے کا اعلان کیوں کیا؟
میں بے گناہ ہوں اور جعلی مقدمات کا نشانہ بنا، میرے خلاف مقدمات کا کوئی سر پیر نہیں ہے اور میں عدالت سے رجوع کر کے انصاف طلب کروں گا: حماد اظہر
لاہور(کھوج نیوز) پاکستان تحریک انصاف کے رہنماء حماد اظہر نے عدالت جانے کا اعلان کیوں کیا؟ اس حوالے سے تمام ترتفصیلات سامنے آنے کے بعد ملک بھر میں ہلچل مچ گئی ہے۔
تفصیلات کے مطابق پاکستان تحریک انصاف کے رہنماء حماد اظہر کا کہنا تھا کہ میں بے گناہ ہوں اور جعلی مقدمات کا نشانہ بنا، میرے خلاف مقدمات کا کوئی سر پیر نہیں ہے اور میں عدالت سے رجوع کر کے انصاف طلب کروں گا۔ حماد اظہر نے مزید کہا کہ سب کا شکر گزار ہوں جو میرے گھر آئے اور جنہوں نے پیغام بھجوایا، میرے گھر والوں نے 2 سال سے مجھ سے زیادہ دکھ برداشت کیا، دکھ کی گھڑی میں والدہ اور گھر والوں کے ساتھ رہنے کی خواہش رکھتا ہوں۔ انہوں نے کہا کہ انصاف مل گیا تو اللہ کا شکر ادا کروں گا، اگر انصاف نہ ملا تو استقامت اور صبر سے مزید جبر برداشت کروں گا، بے شک اللہ صابرین کے ساتھ ہے۔
