وزیراعظم شہباز شریف نے چینی ذخیرہ اندوزں کیلئے خطرے کی گھنٹی بجا دی

اسلام آباد(کھوج نیوز) وزیراعظم میاں شہباز شریف کی زیر صدارت چینی کے حوالے سے ہونے والے اجلاس میں انہوں نے چینی ذخیرہ اندوزوں کیلئے خطرے کی گھنٹی بجا دی ہے۔

تفصیلات کے مطابق وزیرِاعظم کی زیر صدارت چینی کے حوالے سے اجلاس ہوا جس میں حکام کی جانب سے انہیں بریفنگ دی گئی۔ حکام نے بتایاکہ چینی کی مصنوعی قلت پیدا کرنے والوں کیخلاف کارروائیاں جاری ہیں۔ اس موقع پر وزیرِاعظم نے پاکستان شوگر مل ایسوسی ایشن اور حکومت کے درمیان طے شدہ معاہدے پر عملدرآمد کی ہدایت کی۔ انہوں نے چینی کی ایکس مل قیمت 165 روپے اور ریٹیل 173 روپے پرسختی سے عملدرآمد کی ہدایت کی اور کہا کہ معاہدے کی خلاف ورزی کرکے زائد قیمتیں وصول کرنے والوں کے خلاف سخت کارروائی کی جائے۔