پاکستان
عمران خان چاہتے ہیں صوبے میں آپریشن نہ ہو، صوبائی حکومت بھی آپریشن کے حق میں نہیں، بیرسٹر گوہر
چیئرمین پی ٹی آئی بیرسٹرگوہر نے کہا ہے کہ بانی پی ٹی آئی عمران خان نے وزیراعلیٰ کے پی علی امین گنڈاپور کومستعفی ہونےکا نہیں کہا بلکہ صوبے میں امن وامان کی صورتحال پر تشویش کااظہارکیا تھا۔
کھوج نیوز سے گفتگو میں بیرسٹر گوہر نے کہا کہ عمران خان چاہتے ہیں کہ صوبے میں آپریشن نہ ہو، صوبائی حکومت بھی آپریشن کے حق میں نہیں ہے۔
بیرسٹر گوہر نے مزید کہا کہ بانی پی ٹی آئی نے خود کہا ہے کہ ان کے بیٹوں کو پاکستان آنے کی ضرورت نہیں، تحریک کے لیے وہ جیل میں ہونے کے باوجود خود ہی کافی ہیں۔
انہوں نے مزید کہا کہ گرینڈ الائنس میں مولانا فضل الرحمان اورجماعت اسلامی کو بھی شامل کرنےکی کوشش کی لیکن وہ الائنس میں شامل نہیں ہوئے۔
