اسلام آباد(کھوج نیوز) سیلاب کے دوران سرکاری افسران کی سوشل میڈیا پر تشہیر کے بعد ان کی شامت آگئی ہے کیونکہ سینیٹ میں تحریک جمع کروا دی گئی ہے یہ تحریک کس نے جمع کروائی؟
تفصیلات کے مطابق سینیٹر دنیش کمار کی جانب سے سینیٹ میں جمع کروائی گئی تحریک میں کہا گیا ہے کہ سرکاری افسران ریلیف اور ریسکیو کام پر توجہ دینے کے بجائے سوشل میڈیا پلیٹ فارم پر اپنی تشہیر کرنے میں مصروف ہیں۔ ان کا کہنا ہے کہ سرکاری افسران کا یہ اقدام سیلاب متاثرین کے زخموں پر نمک چھڑکنے کے مترادف ہے۔
سینیٹر دنیشن کمار نے مطالبہ کیا ہے کہ حکومت سرکاری افسران کے اس غیر ذمہ دارانہ رویے کا سنجیدگی سے نوٹس لے، ایسے افسران کا کڑا احتساب کیا جائے اور سیلاب متاثرہ علاقوں کے لییگائیڈ لائنز مرتب کی جائیں۔ سینیٹر دنیش کمار کے مطابق سرکاری افسران سوٹ بوٹ پہنے، مہنگے چشمے لگائے سیلاب متاثرہ علاقوں میں اپنی ویڈیوز او ر تصویروں کے لیے پوز بنا رہے ہیں۔
