چمن (کھوج نیوز) چمن میں پاک افغان دوستی گیٹ پر افغان طالبان کا ایک اور جھوٹ بے نقاب ہوگیا ہے ، یہ جھوٹ کونسا تھا؟ اس حوالے سے تمام تر تفصیلات منظر عام پر آگئی ہیں۔
تفصیلات کے مطابق سکیورٹی ذرائع نے بتایا ہے کہ پاک افغان دوستی گیٹ پر افغان طالبان نے اپنی طرف گیٹ تباہ کر کے اسے پاکستانی حصہ ظاہر کرنے کی کوشش کی۔ سکیورٹی ذرائع کے مطابق افغان طالبان اور خوارج کل رات سے 100 سے زائد کارندوں کی ہلاکت پرحواس باختہ ہیں۔ سکیورٹی ذرائع کا کہنا ہے کہ افغان طالبان جھوٹے سوشل میڈیا پروپیگنڈا سے شکست اور نقصان چھپانے کی کوشش کر رہے ہیں۔ افغان طالبان بھارتی میڈیا کی طرز پر جھوٹے پروپیگنڈا کی روش پر چل رہے ہیں۔
