اسلام آباد (کھوج نیوز) پاکستان اور امریکا کے درمیان ہونے والے تجارتی معاہدے کے بعد پہلی مرتبہ سب سے بڑا بحری جہاز امریکی خام تیل لے کر حب پہنچ گیا ہے یہ بہت بڑی خبر ہے۔
تفصیلات کے مطابق ریفائنری حکام کی جانب سے جاری اعلامیے میں بتایا گیا ہے کہ امریکی خام تیل سے لدے بحری جہاز کی سنرجیکو کے آئل ٹرمینل پر آمد ہوئی ہے جس میں 10 لاکھ بیرل خام تیل موجود ہے۔ ریفائنری حکام کا کہناہے کہ ایک لاکھ 35 ہزار ٹن کے ساتھ پاکستان آنے والا یہ سب سے بڑا تیل کا جہاز ہے۔ اعلامیے میں بتایا گیا ہے کہ اگلے ماہ ایک اور امریکی خام تیل بردار جہاز پاکستان آئے گا، یہ بحری جہاز پیگاسس امریکی خام تیل کے ساتھ 14 ستمبر کو ہیوسٹن سے روانہ ہوا ہے۔
