اسلام آباد(کھوج نیوز) صدر مملکت آصف علی زرداری سے وزیراعظم میاں شہباز شریف نے ایوان صدر میں ملاقات کی، دونوں کے درمیان کیا معاملات طے پائے؟ تفصیلات سامنے آگئیں۔
تفصیلات کے مطابق صدر مملکت آصف علی زرداری سے وزیراعظم شہباز شریف نے ایوان صدر میں ملاقات کی اور ملک کی مجموعی سیاسی اور سکیورٹی صورتحال پر تبادلہ خیال کیا جبکہ دہشت گردی کے حالیہ واقعات کی شدید مذمت کی۔ صدر اور وزیراعظم نے اتفاق کیا کہ غیر ملکی سرپرستی یافتہ دہشت گردوں کے خلاف کارروائیاں مکمل خاتمے تک جاری رہیں گی۔ صدر اور وزیراعظم نے اس پر بھی اتفاق کیا کہ دہشت گردوں کے سہولت کاروں کے خلاف کارروائیاں بھی دہشت گردی کے مکمل خاتمے تک جاری رہیں گی۔
