لاہور(کھوج نیوز) وزیراعلیٰ پنجاب مریم نواز نے بچوں کے خلاف جرائم میں ملوث لوگوں کے لئے خطرے کی گھنٹی بجاتے ہوئے ایسے عناصر کو سماج کا ناسور قرار دیتے ہوئے جڑ سے اکھاڑ پھینکنے کا فیصلہ کرلیا ۔
تفصیلات کے مطابق وزیراعلیٰ پنجاب مریم نواز نے بچوں کے جنسی استحصال، تشددکی روک تھام وبحالی کے عالمی دن پر کہناتھا کہ پنجاب میں پاکستان کاپہلا ورچوئل سینٹربرائے چائلڈ سیفٹی قائم کیاگیا ہے۔ مریم نواز کا کہنا تھا کہ بچے میری ریڈلائن ہیں، بچوں کی حفاظت ہمارا فرض ہے، بچوں کے خلاف جرائم میں ملوث لوگ سماج کے ناسور ہیں اور ایسے جرائم میں ملوث افراد جڑ سے اکھاڑ پھینکے جائیں گے۔ انہوں نے کہا کہ ڈیجیٹل ٹیکنالوجی اورمستحکم گورننس کو ملاکربچوں کی حفاظت کا محفوظ نظام بنادیا ہے، پنجاب کا ورچوئل سینٹر ہزاروں بچھڑے بچوں کو ان کی فیملیز سے ملاچکاہے۔
