اسلام آباد(کھوج نیوز) پاکستان میں رمضان المبارک کا چاند کب نظر آئے گا؟ اور عید الفطر کب منائی جائے گی؟ اس حوالے سے سیکرٹری جنرل رویت ہلال کی جانب سے پیشگوئی سامنے آئی ہے۔
تفصیلات کے مطابق سیکرٹری جنرل رویتِ ہلال ریسرچ کونسل خالد اعجاز مفتی نے پیشگوئی کرتے ہوئے کہا کہ رمضان المبارک کا چاند 18 فروری کو نظر آ سکتا ہے اور یکم رمضان 19 فروری کو ہونے کا قوی امکان ہے۔ انہوں نے مزید بتایا کہ شوال کا چاند 20 مارچ کو نظر آنے کا امکان ہے، اس طرح عیدالفطر 21 مارچ کو ہو سکتی ہے۔
