اسلام آباد(کھوج نیوز) قومی اسمبلی کے رکن شیر افضل مروت نے ایک بار پھر پاکستان تحریک انصاف کے بانی عمران خان کے فیصلوں پر شدید تنقید کرتے ہوئے ان کو آڑے ہاتھوں لے لیا ہے۔
تفصیلات کے مطابق رکن قومی اسمبلی شیر افضل مروت کا کہنا تھا کہ اتنی بڑی سیاسی جماعت ہے لیکن اپوزیشن لیڈر کسی اور کو نامزد کردیا، یہ کس طرح کے فیصلے ہورہے ہیں؟عمران خان نے آج تک کوئی ایک بھی فیصلہ ٹھیک نہیں کیا ہے۔
دوسری جانب بیرسٹر سیف کا کہنا تھا کہ پولیٹیکل پولرائزیشن کی وجہ سے مشکلات ہیں، اس قسم کے ڈائیلاگ سے ملک کو درپیش مسائل کم کیے جاسکتے ہیں، بعض سیاسی جماعتیں یہاں موجودنہیں، ان کو خدشہ ہے شاید اس سے ان کو سیاسی نقصان ہوگا۔ پی ٹی آئی رہنما نے کہا کہ پی ٹی آئی اورریاست کے درمیان اختلافات کو کم کرنے کی ضرورت ہے، یقینا عمران خان کو رہا کرناضروری ہے، ان کے علاوہ تمام سیاسی قیدیوں کو رہائی دی جائے، عمران خان کی رہائی کے بعدجوصورتحال ہوگی اس سے حکمرانوں کو خدشات ہیں۔
