انگلینڈ (سپورٹس ڈیسک) بنگلا دیش ٹیم کے کھلاڑی مستفیض الرحمن کو آئی پی ایل سے نکالنے پر انگلش ٹیم کے سابق آل رائونڈر معین علی بول پڑے ہیں اور بڑا دعویٰ کر دیا ہے۔
انٹرنیشنل میڈیا کے مطابق انگلینڈ کے سابق آل راؤنڈر معین علی نے بھارت کا نام لیے بغیر کہا کہ آسٹریلیا اور انگلینڈ کے بورڈز کے اپنے مفادات پورے ہوتے ہیں ، اس لیے وہ خاموش ہیں ، سیاست اور دنیا بھی اسی طرح چلتی ہے ۔ اس کے علاوہ معین علی نے کہا کہ مستفیض الرحمان کو آئی پی ایل ٹیم سے نکالنا افسوسناک ہے ، یہ صورتِ حال کافی عرصے سے ہے۔ معین علی نے آئی سی سی چلانے والوں پر تنقیدکرتے ہوئے کہاکہ سب کو معلوم ہے آئی سی سی کون چلاتا ہے ، لیکن کوئی کچھ نہیں کہتا۔ انگلینڈ کے سابق آل راؤنڈر نے کہا کہ ایسا پاکستان کے ساتھ بھی ہوتا رہا ہے ، لیکن بات دبا دی جاتی ہے۔ بنگلادیش کے ورلڈ کپ ٹی ٹوئنٹی کے لیے بھارت نہ جانے کے فیصلے پر معین علی نے کہا کہ وہ معاملے پر بنگلا دیش کو قصور وار نہیں سمجھتے ۔
