فیلڈ مارشل عاصم منیر سے بنگلا دیشی ایئر چیف کی ملاقات، اہم امور پر تبادلہ خیال
راولپنڈی (کھوج نیوز) چیف آف ڈیفنس فورسز فیلڈ مارشل عاصم منیر سے بنگلا دیش کے ایئر چیف حسن محمود خان نے ملاقات کی جس میں ناصرف اہم امور پر تبادلہ خیال کیا گیا بلکہ دیگر معاملات پر بھی گفتگو کی گئی۔
تفصیلات کے مطابق پاک فوج کے شعبہ تعلقات عامہ(آئی ایس پی آر) نے بتایا ہے کہ فیلڈ مارشل سید عاصم منیر سے بنگلا دیش فضائیہ کے سربراہ حسن محمود خان نے ملاقات کی۔ ملاقات میں دوطرفہ دفاعی تعلقات، علاقائی سلامتی پر تبادلہ خیال کیا گیا، پاکستان اور بنگلا دیش کے دفاعی تعاون کو مزید مضبوط بنانے پر بھی اتفاق ہوا۔
آئی ایس پی آر کے مطابق ملاقات میں پیشہ ورانہ عسکری تعاون اور تربیتی تبادلوں کے فروغ پر زوردیا گیا۔ بنگلا دیشی ائیرچیف نے پاک فوج کی پیشہ ورانہ صلاحیتوں کو خراجِ تحسین پیش کیا اور خطے میں امن واستحکام کیلئے پاک فوج کے کردارکی تعریف کی۔ آئی ایس پی آر کے مطابق فیلڈ مارشل عاصم منیر نے بنگلا دیش کے ساتھ دیرپا دفاعی تعلقات کے عزم کا اعادہ کیا۔
