اسلام آباد(کھوج نیوز) وزیراعظم کے معاون خصوصی صنعت و پیداوار ہارون اختر نے اسٹیل مل کی بحالی کا اعلان کردیا جس کے بعد ملک بھر میں تمام شہریوں میں خوشی کی لہر دوڑ گئی ہے۔
تفصیلات کے مطابق ہارون اختر نے کہا کہ ہم اسٹیل ملز کو بحال کر رہے ہیں، اسٹیل ملز میں صرف روس نہیں 4 مختلف پارٹیز دلچسپی رکھتی ہیں، جلد نیو انرجی وہیکل پالیسی لائیں گے۔ انہوں نے مزید کہا کہ ویکسین اور سولر پالیسی بھی لا رہے ہیں، پیداواری شعبے کی ترقی پر خصوصی توجہ دے رہے ہیں، اس کے علاوہ ہوم اپلائنسز پاکستان میں بنانے پر بھی غور کر رہے ہیں۔
