اسرائیلی جہاز پر پاکستانی موجود ہونیکا معاملہ، ایران کا دو ٹوک پیغام جاری

اسلام آباد(کھوج نیوز) ایران کے زیر تحویل اسرائیل کے جہاز میں پاکستانی عملے کے موجود ہونے کے معاملے پر ایران نے اپنے دو ٹوک پیغام میں کیا کہا؟ اہم معلومات منظر عام پر آگئیں۔

تفصیلات کے مطابق ایران کے زیرتحویل اسرائیلی جہاز میں پاکستانی عملے کی موجودگی کے معاملے پر ایران کے سفیر رضا مقدم نے کہا کہ زوڈائیک کمپنی کے جہازپرکسی پاکستانی کے ہونے کی تصدیق کا انتظارہے۔ ایرانی سفیر نے کہا کہ کل پاکستانی وزارت خارجہ کی جانب سے فراہم کردہ معلومات موصول ہوگئی ہیں جو تہران بھیجی ہیں، کوئی پاکستانی جہازپر موجود ہے تو قانونی تقاضوں اور برادرانہ تعلقات پرچھوڑ دیں گے۔