کنگ شاہ رخ خان کی فلم ”جوان ” کا پوری دنیا پر راج، ہزار کروڑ کلب میں شامل ہونے کے قریب

ممبئی(شوبز ڈیسک) بالی ووڈ کے کنگ شاہ رخ خان کی فلم ”جوان” کا پوری دنیا پر راج، پٹھان کے بعد جوان فلم بھی ہزار کروڑ کلب میں شامل ہونے کے قریب پہنچ گئی ہے۔

انٹرنیشنل میڈیا کے مطابق بالی وڈ کنگ شاہ رخ خان کی فلم جوان نہ صرف انڈین باکس آفس پر راج کررہی ہے بلکہ اس نے انٹرنیشنل باکس آفس پر بھی تہلکہ مچایا ہوا ہے۔ دو ہفتے کے مختصر عرصے میں انڈین باکس پر فلم کا بزنس 608 کروڑ تک پہنچ گیا جبکہ ملک سے باہر فلم نے 298 کروڑ کا سنگ میل عبور کرلیا ہے۔میگا تھرلر جوان کے پوری دنیا میں ایک ہزار کروڑ کا ہندسہ عبور کرنے کے ساتھ کنگ خان نیا اعزاز اپنے نام کرنے کیلئے تیار ہیں۔

شاہ رخ خان ہندی سینما کے واحد اداکار بن جائیں گے جن کی دو فلمیں (پٹھان، جوان)ایک ہزار کروڑ کے سنگ میل تک پہنچی ہیں۔ سپر اسٹار عامر خان کی فلم دنگل 2016 میں پہلی مرتبہ 1000 کروڑ کا ہندسہ عبور کرنے میں کامیاب ہوئی تھی اور فلم کا مجموعی بزنس 1968 کروڑ تھا۔ دوسرے نمبر پر پربھاس کی باہو بلی 2 ہے جس نے پوری دنیا میں مجموعی طور پر 1747 کروڑ کا بزنس کیا تھا۔