سابق فاسٹ بولر وقاریونس نےقومی ٹیم کےکپتان بابراعظم کو تنقید کا نشانہ کیوں بنایا؟

لاہور(سپورٹس ڈیسک)سابق فاسٹ بولر وقاریونس نےقومی ٹیم کےکپتان بابراعظم کو تنقید کا نشانہ کیوں بنایا؟ پاکستان کرکٹ ٹیم کے کپتان بابر اعظم کی گفتگو لیک کیے جانے پر سابق فاسٹ بولر وقار یونس نے تنقید کی ہے۔ سماجی رابطے کی ویب سائٹ ایکس (سابق ٹوئٹر) پر جاری کیے گئے پیغام میں وقار یونس نے سوال کیا ہے کہ یہ کیا کرنے کی کوشش کر رہے ہیں آپ لوگ؟ اپنی پوسٹ میں وقار یونس نے لکھا ہے کہ یہ ایک نہایت ہی مضحکہ خیز عمل ہے، بابر اعظم ایک اثاثہ ہیں، ایسا مت کریں۔

واضح رہے کہ پاکستان کرکٹ بورڈ نے سابق کپتان راشد لطیف کے بیان کو جھوٹ کا پلندہ قرار دیا ہے جس میں انہوں نے دعویٰ کیا ہے کہ چیئرمین ذکاء اشرف، سی او او اور ڈائریکٹر انٹرنیشنل کرکٹ کپتان بابر اعظم کے میسج کا جواب نہیں دے رہے ہیں۔