صوبائی دارالحکومت کےمختلف علاقوں میں بجلی کی لوڈ شیڈنگ،شہری تلملا اٹھے

لاہور(کھوج نیوز)پنجاب کے صوبائی دارالحکومت کے مختلف علاقوں میں بجلی کی لوڈ شیڈنگ سے شہری تلملا اٹھے۔ شہر کے مختلف علاقوں میں ہرگھنٹے بعد ایک گھنٹے کی غیراعلانیہ لوڈ شیڈنگ کی جارہی ہے۔ لیسکو ذرائع کے مطابق لاہور الیکٹرک سپلائی کا شارٹ فال 400 میگا واٹ کےقریب ہے۔ ترجمان لیسکو کا کہنا ہے کہ غیراعلانیہ لوڈشیڈنگ نہیں کی جا رہی، شدید گرمی میں لوڈ بڑھنے سے فیڈر ٹرپ ہوجاتے ہیں، لاہور الیکٹرک سپلائی کمپنی کے پاس بجلی کی کمی نہیں ہے۔