فیصل آباد :ڈاکو ڈلیوری بوائےسےاسلحے کےزور پر 4 پیزا لے اڑے

فیصل آباد(کھوج نیوز) پیزا خور ڈکیت گروہ سرگرم ہوگئے، ڈاکو ڈلیوری بوائے سے اسلحے کے زور پر 4 پیزا لے اڑے۔ پولیس کے مطابق رات گئے فون کال کے ذریعے کہکشاں کالونی کے پتے پر پیزا ڈلیور کرنے کا آرڈر دیا۔ ڈلیوری بوائے پتے پر پہنچا تو موٹرسائیکل سوار 2 افراد نے اسلحہ کے زور پر 4 پیزا لوٹ لیے اور فرار ہو گئے۔ پولیس کا کہنا ہے کہ 2 نامعلوم ڈاکوؤں کے خلاف پیزا ڈکیتی کے الزام میں مقدمہ درج کر لیا ہے۔ چند روز قبل بھی سفیان ٹاؤن میں 1800 روپے مالیت کی پیزا ڈکیتی کی واردات ہوئی تھی۔