آئی ایم ایف سے چھٹکارا کیسے حاصل کیا جاسکتا ہے؟ خواجہ آصف نے بڑا دعویٰ کر دیا

سیالکوٹ (کھوج نیوز) عالمی مالیاتی فنڈ (آئی ایم ایف ) سے چھٹکارا کیسے حاصل کیا جاسکتا ہے؟ اس حوالے سے وفاقی وزیر دفاع خواجہ آصف نے بڑا دعویٰ کر کے سب کو دنگ کر دیا ہے۔

تفصیلات کے مطابق وفاقی وزیر دفاع خواجہ آصف کا کہنا تھا صنعتی برادری کے تمام مسائل سے آگاہ ہوں، ملک اس وقت برے دور سے گزر رہا ہے، آئی ایم ایف کا پریشر ہے لیکن ایک روشنی نظر آنا شروع ہو گئی ہے، سارے اندیکیٹرز مثبت آ رہے ہیں۔ان کا کہنا تھا کوئی سوچ بھی نہیں سکتا تھا کہ اسٹاک مارکیٹ مثالی ہے، ہمارے دوسرے انڈیکیٹرز بھی مثبت آرہے ہیں، مہنگائی سنگل ڈیجٹ پر آگئی ہے، اس وقت پاکستان کو مختلف چیلینجز کا سامنا ہے لیکن وقت کے ساتھ ساتھ مسائل حل ہوتے جائیں گے۔

خواجہ آصف کا کہنا تھا ہم آہستہ آہستہ مایوسی کے دور سے نکل چکے ہیں لیکن اب بھی بہت سی رکاوٹیں عبور کرنی ہیں، کچھ ایسے فیصلے ہیں جو ہم اپنی مجبوریوں کی وجہ سے نہیں لے پاتے، معاشی مجبوریاں بعض اوقات تکلیف دہ ہوتی ہیں۔ وفاقی وزیر کا کہنا تھا نان کسٹم گاڑیوں کی بہت بڑی اسمگلنگ ہے، حلال اور حرام کی تمیز ختم ہو گئی ہے، پرویز الہی نے بتایا ایک بیوروکریٹ نے بچیوں کی شادی میں 4 ارب روپے سلامی کمائی، ایک کسٹم کلیکٹر کروڑوں روپے کی کرپشن کرتا ہے۔