ہیئت التحریر کے رہنمائوں سے ملاقات، امریکی وفد شام پہنچ گیا

دمشق (مانیٹرنگ ڈیسک) امریکی اعلیٰ عہدیداروں کا وفد ہیئت التحریر کے رہنمائوں سے ملاقات کے لئے شام کے دارالحکومت دمشق پہنچ گیا ہے اس ملاقات میں مختلف امور پر تبادلہ خیال کیا جائے گا۔

انٹرنیشنل میڈیا کے مطابق تین امریکی اعلی عہدیداروں پر مشتمل وفد آج شامی دارالحکومت دمشق پہنچا ہے جو بشار الاسد حکومت کا تختہ الٹنے والی تنظیم ہیئت التحریر الشام کے رہنماوں سے ملاقات کرے گا۔ ترجمان امریکی محکمہ خارجہ کا کہناہے ملاقات کے دوران شام میں اقتدارکی منتقلی سمیت دیگرامورپربات چیت ہوگی ۔ ترجمان امریکی محکمہ خارجہ کے مطابق وفد نئی شامی قیادت سے شام کے مستقبل کے متعلق ان کے ویژن کے بارے میں جاننے کی کوشش کرے گا اور یہ بھی پوچھے گا کہ امریکا کس طرح شام کی مدد کر سکتا ہے۔ ترجمان کے مطابق امریکی وفد شامی سول سوسائٹی اور دیگرکمیونٹیز کے ارکان سے ملاقات کریگا جبکہ شام میں لاپتہ امریکیوں سے متعلق معلومات بھی حاصل کرنیکے لیے کام کریگا۔