ترک وزیر خارجہ کا دورہ شام، احمد الشرع سے ملاقات، اہم امور پر تبادلہ خیال

شام (مانیٹرنگ ڈیسک) امریکہ کے نو منتخب صدر ڈونلڈ ٹرمپ کے بیان کے بعد ترک وزیر خارجہ کا دورہ شام، احمد الشرع المعروف ابو محمد الجولانی سے ملاقات، اہم امور پر تبادلہ خیال بھی کیا گیا۔

انٹرنیشنل میڈیا کے مطابق ترک وزارت خارجہ کی جانب سے جاری کردہ ویڈیو میں دونوں رہنماؤں کو ایک دوسرے سے مصافحہ کرتے اور بغل گیر ہوتے ہوئے دکھایا گیا ہے۔ میڈیا کے مطابق ترک وزیر خارجہ نے اعلان کیا تھا کہ وہ دمشق کا دورہ کرنے اور شام کے نئے رہنماؤں سے ملاقات کا ارادہ رکھتے ہیں۔ ترک وزیر خارجہ کا دورہ ایسے وقت میں ہوا ہے جب شمال مشرقی شام میں ترک حمایت یافتہ شامی جنگجو اور کرد ملیشیا کے درمیان لڑائی جاری ہے۔ اس سے قبل ترک وزیر دفاع نے کہا تھا کہ ترکیہ کو یقین ہے کہ شام کی نئی قیادت جس میں ترک حمایت یافتہ گروہ بھی شامل ہے، کرد جنگجوں کو شمال مشرقی شام کے ان تمام علاقوں سے نکال دے گی جن پر انہوں نے قبضہ کر رکھا ہے۔