7دنوں میں خواتین کا گنجا پن، بھارت میں خوفناک بیماری پھیل گئی
پراسرار بیماری میں ریاست مہاراشترا کے ضلع بلدھانا کے 3 گاؤں کے 50 سے زائد افراد مبتلا جن کے بال تیزی سے گرنے لگے ہیں اور لوگ ہفتے بھر میں گنجے ہورہے ہیں
نیو دہلی(مانیٹرنگ ڈیسک) بھارت میں خوفناک بیماری تیزی سے پھیل رہی ہے جس میں مردوں کے ساتھ ساتھ بچے اور خواتین 7دنوں میں گنجے ہو جائیں گے جس کیلئے ماہرین نے سر جوڑ لیے ہیں۔
انٹرنیشنل میڈیا رپورٹس کے مطابق پراسرار بیماری میں ریاست مہاراشترا کے ضلع بلدھانا کے 3 گاں کے 50 سے زائد افراد مبتلا ہوگئے جن کے بال تیزی سے گرنے لگے ہیں اور لوگ ہفتے بھر میں گنجے ہورہے ہیں۔ ضلع بلدھانا کے 3 گاؤں، بورگا، کلود اورہنگنا اس بیماری سے متاثر ہیں، متاثرہ افراد کا بتانا ہے کہ گزشتہ کئی روز سے گاں کے مرد و خواتین کے بال تیزی سے جھڑ رہے ہیں اور ایک بار جب یہ بال گرنا شروع ہو جائیں تو ایک ہفتے کے اندر انسان گنجا ہو جاتا ہے۔ بھارتی میڈیا پر متاثرہ لوگوں کے تیزی سے گرتے بال بھی دکھائے گئے ہیں جبکہ بیماری نے لوگوں میں خوف و ہراس پھیلا دیا ہے۔ طبی ماہرین کی جانب سے لوگوں کے تیزی سے بال گرنے کی ابتدائی وجہ پانی کی آلودگی قرار دی جا رہی ہے۔
