غزہ میں اسرائیلی تباہ ہونیوالے سازوسامان کی تصاویر وائرل

غزہ (مانیٹرنگ ڈیسک) غزہ میں جنگ بندی ہونے کے بعد اسرائیلی کی جارحیت رک گئی جس کے بعد واپس لوٹنے والے فلسطینیوں نے وہاں پر تباہ ہونے والے اسرائیلی سازو سامان کی تصاویر وائرل کر دیں۔

انٹرنیشنل میڈیا کے مطابق غزہ میں جنگ بندی کے آغاز کے ساتھ ہی گزشتہ 15 ماہ سے جاری اسرائیلی جارحیت رک چکی ہے اور بے گھر فلسطینی اپنے گھروں کو لوٹنا شروع ہوگئے۔ اپنے علاقوں کو لوٹنے والے فلسطینیوں کو جہاں تباہ حال عمارتیں اور مکانات نظر آئے وہیں فلسطینی مزاحمت کاروں کے حملے میں تباہ ہونے والا اسرائیلی ساز و سامان بھی نظر آیا۔ فلسطینیوں نے سوشل میڈیا پر تباہ شدہ اسرائیلی بکتر بند گاڑیوں اور بلڈوزروں کی تصاویر شیئر کیں۔