مودی کی جان کو خطرہ ،دھمکی کس نے دی ؟تفصیلات منظر عام پر آگئیں

ممبئی(مانیٹرنگ ڈیسک )میڈیا رپورٹس کے مطابق ممبئی پولیس کو موصول ہونے والی کال میں بھارتی وزیرِ اعظم نریندر مودی کے طیارے پر دہشت گردانہ حملے کی دھمکی دی گئی ہے۔ پولیس کو موصول ہونے والی کال میں وزیر اعظم نریندر مودی کے دورہ امریکا سے قبل ان کے طیارے پر دہشت گردانہ حملے کی دھمکی دی گئی۔ممبئی پولیس کنٹرول روم کو موصول ہونے والی دھمکی آمیز کال میں دعوی کیا گیا کہ دہشت گرد مودی کے طیارے پر حملہ کر سکتے ہیں۔

پولیس کے مطابق انہوں نے فوری طور پر متعلقہ سیکیورٹی ایجنسیوں کو مطلع کیا اور وزیراعظم نریندر مودی کی روانگی سے قبل صورتِ حال کا جائزہ لینے کے لیے تحقیقات شروع کی۔

ممبئی پولیس کے مطابق دھمکی آمیز کال کرنے والے شخص کو گرفتار کر لیا گیا ہے، مذکورہ گرفتار شخص ذہنی طور پر بیمار ہے۔