اسرائیل کے الزام پر حماس کا ردعمل’ نیا ہنگامہ برپا

غزہ (مانیٹرنگ ڈیسک) اسرائیلی مغوی خاتون کی جگہ کسی اور کی لاش دینے پر اسرائیل کے الزام پر حماس کا ردعمل بھی سامنے آگیا ہے جس کے بعد دنیا بھر میں ایک نیا ہنگامہ برپا ہوگیا ہے۔

انٹرنیشنل میڈیا کے مطابق حماس نے اسرائیلی الزامات کا جواب دیتے ہوئے کہا کہ اسرائیلی مغوی خاتون شری بیباس کی لاش کو جس جگہ رکھا گیا تھا وہاں اسرائیل کی جانب سے فضائی حملہ کیا گیا تھا جس کے بعد مغوی خاتون کی باقیات وہاں موجود دیگر افراد کی باقیات سے مل گئی تھیں۔ اس حوالے سے غزہ حکومتی میڈیا آفس نے بھی ایک بیان جاری کیا جس میں کہا گیا کہ غزہ میں متعدد عمارتوں کو مسلسل فضائی حملوں کو نشانہ بنایا گیا اور مغوی خاتون کی لاش کی باقیات بھی ایسی ہی ایک عمارت کے ملبے سے ملی جو اسرائیلی حملے کا نشانہ بنی اور وہاں بھی لوگ تھے۔ میڈیا آفس نے کہا کہ بہت سے لوگوں کی باقیات ملبے سے ٹکڑوں میں ملتی رہی ہیں جنہیں پلاسٹک بیگز میں ڈال کر لایا گیا، یہ سب ظاہر کرتا ہے کہ گزشتہ 15 ماہ میں غزہ میں اسرائیلی حملوں کے نتیجے میں کیا ہوا۔