چینی اور نمک کا زیادہ استعمال کونسا موذی مرض کا سبب بن سکتا ہے؟ تحقیق سامنے آگئی

برازیل (مانیٹرنگ ڈیسک) چینی اور نمک کے زیادہ استعمال سے کونسے موذی مرض کا سبب بن سکتا ہے؟ اس حوالے سے چونکا دینے والی تحقیق سامنے آنے کے بعد ہر کوئی ہکا بکا رہ گئے ہیں۔

انٹرنیشنل میڈیا کے مطابق برازیل کی جرنل بی ایم سی میڈیسن میں شائع تحقیق میں بتایا گیا کہ ناقص غذائی عادات جیسے میٹھے مشروبات اور نمک سے بھرپور فاسٹ فوڈ کا زیادہ استعمال معدے کے کینسر سے متاثر ہونے کا خطرہ بڑھاتا ہے۔ تحقیق میں بتایا گیا کہ غذاں میں چینی کے زیادہ استعمال سے معدے کے کینسر سے متاثر ہونے کا خطرہ 7 سے 21 فیصد تک بڑھ جاتا ہے۔ اسی طرح اگر چینی کے ساتھ نمک کی زیادہ مقدار کا استعمال کیا جائے تو رسولی کی نشوونما تیز ہو جاتی ہے۔ اس تحقیق میں 1751 افراد کو شامل کیا گیا تھا اور ان کی غذائی عادات کا جائزہ لیا گیا۔ ان افراد میں کینسر کے شکار افراد سمیت صحت مند افراد بھی شامل تھے۔

تحقیق کے دوران ان افراد سے غذائی عادات سے متعلق سوالنامے بھروائے گئے اور دیکھا گیا کہ غذاں سے معدے کے کینسر کے خطرے میں کس حد تک اضافہ یا کمی آتی ہے۔اس تحقیق کے لیے برطانیہ بھر سے تعلق رکھنے والے 4 لاکھ 70 ہزار سے زائد افراد کے ڈیٹا کی جانچ پڑتال کی گئی جو 2006 سے 2010 کے درمیان اکٹھا کیا گیا تھا۔ ان افراد سے غذائی عادات کے بارے میں تفصیلات حاصل کی گئی تھیں اور یہ پوچھا گیا تھا کہ وہ اپنی غذا پر اوپر سے نمک چھڑکتے ہیں یا نہیں۔ اس کے بعد ان افراد کے ڈیٹا کا موازنہ کینسر کے مریضوں کے پیشاب کے نمونوں میں نمک کی مقدار سے کیا گیا۔ تحقیق میں دریافت کیا گیا کہ جو افراد اکثر غذا پر اوپر سے نمک چھڑکتے ہیں، ان میں معدے کے کینسر سے متاثر ہونے کا خطرہ 39 فیصد تک بڑھ جاتا ہے۔

محققین نے بتایا کہ نمک کا زیادہ استعمال معدے میں ورم بڑھاتا ہے جس سے ایسے بیکٹیریا کی تعداد بڑھتی ہے جو کینسر سمیت مختلف امراض کا خطرہ بڑھاتے ہیں۔ اس سے قبل مئی 2024 میں میڈیکل یونیورسٹی آف ویانا کی تحقیق میں بتایا گیا کہ جو لوگ غذا میں اوپر سے نمک چھڑکتے ہیں، ان میں معدے کے کینسر کا خطرہ دیگر افراد کے مقابلے میں 40 فیصد زیادہ ہوتا ہے۔ اس تحقیق سے ماضی کی تحقیقی رپورٹس کی بھی تصدیق ہوتی ہے جن میں نمک کے زیادہ استعمال اور معدے کے کینسر کے درمیان تعلق دریافت کیا گیا تھا۔