کراچی میں افسوسناک حادثہ، حاملہ خاتون شوہر سمیت جاں بحق

کراچی (کھوج نیوز) کراچی کے علاقے ملیرہالٹ کے قریب افسوسناک حادثہ پیش آیا جس میں واٹر ٹینکر کی موٹر سائیکل کو ٹکر سے حاملہ خاتون شوہر سمیت جاں بحق ہو گئی ہے ۔

تفصیلات کے مطابق ریسکیو ذرائع نے بتایا ہے کہ یہ افسوسناک واقعہ ملیر ہالٹ کے قریب پیش آیا جہاں واٹر ٹینکر نے موٹرسائیکل سوار میاں بیوی کو کچل دیا۔ پولیس کے مطابق بیوی حاملہ تھی جس نے زخمی حالت میں بچے کو جنم دیا تاہم بچہ بھی دم توڑ گیا۔ پولیس کے مطابق ڈرائیور کو گرفتار کرکے واٹر ٹینکر تحویل میں لے لیا گیا ہے، حادثہ ممکنہ طور پر واٹر ٹینکر کے بریک فیل ہونے سے پیش آیا۔ پولیس کا کہنا ہے کہ واٹر ٹینکر ہائی ویکی جانب سے آرہا تھا، ملیر ہالٹ پل کے نیچے سے واٹر ٹینکر تیزی سے شارع فیصل کی طرف آیا جس کے باعث موٹر سائیکل سوار میاں بیوی واٹرٹینکر کی زد میں آئے۔