صحت
جنوبی پنجاب میں ایچ آئی وی کیسز کی تعداد میں حیران کن اضافہ
دسمبر 2024ء میں ایچ آئی وی کا صرف ایک کیس مثبت آیا تھا، جس کے بعد اسکریننگ کا عمل شروع کیا گیا تو معلوم ہوا کہ 100 سے زائد افراد ایچ آئی وی میں مبتلا ہیں
لاہور(کھوج نیوز) جنوبی پنجاب کے ضلع تونسہ میں ایچ آئی وی کیسز کی تعداد میں غیر معمولی اضافہ دیکھنے کو ملا ہے جس کے بعد گزشتہ 3 ماہ کے دوران 100 سے زائد افراد میں ایچ آئی وی کی تصدیق ہوئی ہے ۔
تفصیلات کے مطابق ڈپٹی کمشنر تونسہ عثمان خالدکا کہنا تھا کہ دسمبر 2024ء میں ایچ آئی وی کا صرف ایک کیس مثبت آیا تھا، جس کے بعد اسکریننگ کا عمل شروع کیا گیا تو معلوم ہوا کہ 100 سے زائد افراد ایچ آئی وی میں مبتلا ہیں جنہیں رجسٹرڈ کرکے علاج شروع کردیا گیا ہے۔ ڈپٹی کمشنرکا کہنا ہے کہ ایچ آئی وی پھیلاؤ کی وجہ جاننے کے لیے تحقیقاتی کمیٹی بنادی ہے تاہم ممکنہ طور پر ایچ آئی وی اتائیوں اور خون کے تبادلے سے پھیلاؤ ہے۔
