مانسہرہ میں ماں اور کمسن بچی کا اندوہناک قتل، مرکزی چھ ملزمان گرفتار

مانسہرہ (کھوج نیوز) تھانہ صدر کی حدود جابہ میں ماں اور سولہ ماہ کی کمسن بچی کے اندوہناک قتل کیس میں مانسہرہ پولیس کو بڑی کامیابی حاصل ہوئی ہے۔ کیس میں ملوث تمام چھ مرکزی ملزمان کو گرفتار کر لیا گیا ہے، جن سے تفتیش کا عمل میرٹ، شفافیت اور قانونی تقاضوں کے مطابق جاری ہے۔

ڈپٹی انسپکٹر جنرل آف پولیس ہزارہ ناصر محمود ستی کے نوٹس پر، ڈی پی او مانسہرہ شفیع اللہ گنڈا پور کی زیر نگرانی میں قائم سپیشل انویسٹی گیشن ٹیم نے شب و روز کی محنت، جدید ٹیکنیکل ذرائع اور مثر سرچ آپریشنز کے ذریعے پہلے پانچ ملزمان وصی شاہ ولد واجد شاہ، عبدالرزاق شاہ ولد افسر شاہ، نیاز علی شاہ ولد افسر شاہ، قائم علی شاہ ولد فرزند علی شاہ، اور احسن علی شاہ ولد فرزند علی شاہ کو گرفتار کیا تھا۔

تفصیلات کے مطابق تازہ ترین پیش رفت میں کیس کے آخری ماندہ ملزم، سید مہتاب شاہ ولد سید افسر شاہ سکنہ جابہ، کو بھی گرفتار کر لیا گیا ہے۔ یوں یہ ہائی پروفائل کیس منطقی انجام کی طرف تیزی سے بڑھ رہا ہے۔