ششی تھرور نے مودی سرکاری کی دھجیاں اڑا کر رکھ دیں

نئی دہلی (مانیٹرنگ ڈیسک) بھارت کی اپوزیشن جماعت کانگریس کے رہنماء اور سینئر سیاستدان ششی تھرور نے مودی سرکار کی دھجیاں اڑا کر رکھ دی ہیں اور بڑا اعتراف کر لیا ہے۔

بھارت کی اپوزیشن جماعت کانگریس کے رہنما اور سینئر سیاست دان ششی تھرور نے اعتراف کیا ہے کہ بھارت کے پاس نہ پانی ذخیرہ کرنے کی صلاحیت ہے اور نہ ہی دریاں کا رخ موڑنے کی۔ بھارتی سیاست دان ششی تھرور کا کہنا ہے کہ سندھ طاس معاہدہ منسوخ نہیں بلکہ معطل کیا گیا ہے، اس فیصلے سے معاملات زیادہ تبدیل نہیں ہوں گے، ہم کل یہ نہیں کہہ سکتے کہ پاکستان کو پانی نہیں ملے گا۔ ششی تھرور نے کہا کہ پہلگام میں انٹیلی جنس ناکامی ہوئی ہے ، لیکن سوال یہ ہے کہ پہلے اس معاملے کی تحقیقات کی جائیں یا اس کا جواب دیا جائے ۔ ششی تھرور کا کہنا تھا کہ یہ پانی کہاں جائے گا؟ ہم بھارت کو تو نہیں ڈبو سکتے ، یہ معطلی بظاہر علامتی ہے۔