جھوٹی خبروں کے پھیلاؤ میں بھارت کے بڑے نیوز چینل نے معافی مانگ لی

نئی دہلی(مانیٹرنگ ڈیسک)بھارت کے معروف نیوز چینل "آج تک” نے آخرکار غلط خبروں کے پھیلا ؤمیں اپنے کردار کا بالواسطہ اعتراف کر لیا ہے۔ اگرچہ چینل نے کھل کر کوئی معافی نہیں مانگی، مگر اس نے ایک نرمی سے لکھی گئی عوامی وضاحتی بیان جاری کیا ہے، جسے بہت سے لوگ درپردہ معذرت کے طور پر دیکھ رہے ہیں۔

بیان میں آج تک نے کہا کہ وہ "کسی بھی غیر ارادی غلط خبروںپر افسوس کا اظہار کرتا ہے” اور ساتھ ہی صحافتی دیانت داری کے عزم کو بھی دہرا یا۔ اس مبہم اور محتاط انداز نے کئی مبصرین کو اس نتیجے پر پہنچایا کہ چینل الزام کو براہ راست تسلیم کیے بغیر ماضی کی غلطیوں کو تسلیم کرنے کی کوشش کر رہا ہے۔

ماہرین کے مطابق، یہ قدم اس بات کا اشارہ ہے کہ عوام اور غیر جانبدار فیکٹ چیکرز کے بڑھتے ہوئے دباؤ نے مین اسٹریم میڈیا کو جھنجھوڑ کر رکھ دیا ہے۔ سچائی کو چھپانے کا دور ختم ہوتا جا رہا ہے، اور میڈیا اداروں کو اب اپنی ساکھ بچانے کے لیے نئے راستے اپنانا پڑ رہے ہیں۔