ایران پر حملہ کرنے والے امریکی طیاروں کا پتا لگا لیا گیا ،پاسداران انقلاب کا دعویٰ

تہران(ویب ڈیسک)ایران پر حملہ کرنے والے امریکی طیاروں کا پتا لگا لیا گیا ،پاسداران انقلاب کا دعویٰ،رپورٹس کے مطابق پاسداران انقلاب نے دعوی کیا ہے کہ ایران پر حملہ کرنے والے طیارے اس وقت کہاں ہیں پتہ لگا لیا ہے۔ پاسداران انقلاب کی جانب سے کہا گیا ہے کہ حملہ کر کے واشنگٹن نے اپنے آپ کو فرنٹ لائن میں کھڑا کرلیا ہے۔اس حوالے سے پاسداران انقلاب کی جانب سے مزید کہا گیا ہے کہ امریکی حکومت نے مشرق وسطی کی ماضی کی جنگوں سے سبق نہیں سیکھا، ایران پر بمباری کے بعد اس کا خمیازہ بھگتنا پڑے گا۔واضح رہے کہ امریکا نے ایران کی جوہری تنصیبات پر حملہ کردیا ہے۔سوشل میڈیا پر جاری بیان میں امریکی صدر ڈونلڈ ٹرمپ کا کہنا تھا کہ ہم نے ایران کی 3 نیوکلیئر سائٹس پر کامیاب حملہ کیا اور فردو ایٹمی تنصیب مکمل طور پر تباہ کردی گئی ہے۔