وسطی افریقی جمہوریہ میں افسوسناک واقعہ، 29طلبہ ہلاک

بنگوئی (مانیٹرنگ ڈیسک) وسطی افریقی جمہوریہ میں افسوسناک واقعہ پیش آیا جس میں 29طلبہ ہلاک ہوگئے ہیں یہ واقعہ اس وقت پیش آیا جس وقت طلبہ سکول میں تعلیم حاصل کر رہے تھے۔

انٹرنیشنل میڈیا کے مطابق مطابق یہ واقعہ وسطی افریقی جمہوریہ کے دارالحکومت بنگوئی میں پیش آیا جہاں ایک ہائی اسکول کی عمارت میں ٹرانسفارمر پھٹنے سے دھماکا ہوا جس کے بعد اسکول میں بھگڈر مچ گئی۔ وسطی افریقی جمہوریہ کی وزارت تعلیم کے مطابق حادثے کے وقت 6 مختلف اسکولوں کے 5 ہزار سے زائد طلبہ بنگوئی کے ہائی اسکول میں واقع امتحانی مرکز میں امتحان دے رہے تھے۔ وزارت تعلیم کے مطابق امتحان دینے والوں کی عمریں تقریبا 18-22 سال کے درمیان تھیں۔ رپورٹ کے مطابق بھگدڑ مچنے سے 29 طلبہ ہلاک اور 260 زخمی ہوگئے جب کہ کچھ طلبہ نے جان بچانے کے لیے پہلی منزل سے چھلانگ بھی لگائی۔