ہیٹ ویو الرٹ جاری، پارہ کتنی ڈگری تک جا پہنچا؟

یورپ (مانیٹرنگ ڈیسک) یورپ میں ہیٹ ویو الرٹ جاری کر دیا گیا ہے ؟ پارہ کتنی ڈگری تک جا پہنچا؟ اس حوالے سے تمام تر تفصیلات منظر عام پر آنے کے بعد سب حیران رہ گئے ہیں۔

انٹرنیشنل میڈیا کے مطابق ہیٹ ویو کے باعث یورپی و برطانوی حکام نے ہیلتھ اور وائلڈ لائف وارننگز جاری کردیں جبکہ اٹلی، یونان، اسپین اور پرتگال میں ہیٹ ویو کی وارننگ جاری کردی گئی۔ اسپین کے دارالحکومت بارسلونا میں گرمی سے ایک خاتون کی ہلاکت کی اطلاع سامنے آئی۔

پیرس میں آج سال کا گرم ترین دن ریکارڈ ہواجہاں درجہ حرارت 35 ڈگری سینٹی گریڈ ہوگیا جوکہ 49 تک جانے کا امکان ہے۔ فرانس میں درجہ حرارت 34 ڈگری ہے جو 38 تک جانے کا امکان ہے جس کے باعث اورنج الرٹ جاری کردیا گیا ہے اور تعلیمی ادارے بند کردیے گئے ہیں۔ برطانوی تاریخ میں جون کا گرم ترین دن ریکارڈ کیا گیا اور مانچسٹر میں درجہ حرارت 35 ڈگری کو چھوگیا۔

پرتگال کے علاقے مورا میں درجہ حرارت 47 ڈگری ریکارڈ کیا گیا جس کے بعد شہریوں کو گھروں میں رہنے کی ہدایات جاری کردی گئیں، اٹلی میں روم، میلان اور نیپلز سمیت 21 شہروں کو ہائی ہیٹ الرٹ پر ڈال دیا گیا، اسپتالوں میں ہیٹ اسٹروک کے متعدد کیسز رپورٹ ہوئے اور مختلف علاقوں میں دن کے وقت آٹ ڈورسرگرمیوں پر پابندی لگانے پر غور کیا جارہا ہے۔