عمران خان کے بیٹوں کی رچرڈ گرینل سے ملاقات، کیا معاملات طے پائے؟

کیلیفورنیا (مانیٹرنگ ڈیسک) پاکستان تحریک انصاف کے بانی عمران خان کے بیٹوں نے امریکی نمائندہ خصوصی رچرڈ گرینل سے ملاقات کی ؟ ملاقات میں کیا معاملات طے پائے؟ اندر کی بات سامنے آگئی۔

تفصیلات کے مطابق پاکستان تحریک انصاف کے بانی عمران خان کے بیٹوں قاسم اور سیلمان خان کی رچرڈ گرینل سے ملاقات کیلی فورنیا میں ہوئی، رچرڈ گرینل نے سلیمان اور قاسم کے ساتھ تصویر پوسٹ کرتے ہوئے لکھاکہ دوستوں کو خوش آمدید، قاسم اور سلیمان کے ساتھ وقت گزار کر اچھا لگا۔ انہوں نے عمران خان کے بیٹوں سے کہا کہ آپ دونوں کو مضبوط رہنا ہے، دنیا میں لاکھوں افراد سیاسی انتقام کا سامنا کر رہے ہیں، سیاسی انتقام کا سامنا کرنے والے آپ تنہا نہیں ہیں۔