ٹرمپ کی دھمکیاں، مودی گھٹنے ٹیکنے پر مجبور

امریکا ١(مانیٹرنگ ڈیسک) امریکا کے صدر ڈونلڈ ٹرمپ کے دھمکیاں کام کر گئی ہیں جس کے بعد بھارتی وزیراعظم نریندرا مودی گھٹنے ٹیکنے پر مجبور ہوگیا ہے اور بڑا اعلان کر دیا ہے۔

انٹرنیشنل میڈیا کے مطابق امریکی ٹیرف اقدامات کے بعد بھارت نے روس سے تیل کی خریداری کم کرنے پر آمادگی ظاہر کردی۔ میڈیا کے مطابق بھارت نے امریکاکو روس سے تیل کی خریداری میں کمی کا اشارہ بھی دے دیا۔ یاد رہے کہ چند روز قبل امریکی صدر نے بھارت کو روس سے تیل کی خریداری جاری رکھنے کی صورت میں اضافی ٹیرف لگانے کی دھمکی دی تھی جس کے بعد بھارت کی جانب سے روس سے تیل کی خریداری میں کمی نہ کرنے پر امریکا نے بھارت پر اضافی 25 فیصد ٹیرف عائد کردیا تھا۔ امریکا کی جانب سے بھارت پر اضافی 25 فیصد ٹیرف کے بعد اب بھارت پر مجموعی امریکی ٹیرف 50 فیصد ہوگیا ہے۔