6ستمبر کو گڈو بیراج میں کتنا بڑا ریلا گزرے گا؟ مراد علی شاہ نے چونکا کر رکھ دیا
کراچی (کھوج نیوز) 6ستمبر کو گڈو بیراج سے کتنا بڑے ریلا گزر سکتا ہے؟ اس حوالے سے وزیراعلیٰ سندھ سید مراد علی شاہ نے سب کچھ سچ سچ بتا کر عوام میں تھرتھرلی مچا کر رکھ دی ہے۔
تفصیلات کے مطابق وزیراعلیٰ سندھ سید مراد علی شاہ کا کہنا تھا کہ ہمیں دیکھنا ہے کہ ایک وقت میں زیادہ سے زیادہ کتنا پانی آئے گا، این ڈی ایم اے نے کہاہے کہ8 سے 11 لاکھ کیوسک پانی سندھ میں داخل ہوگا جبکہ 9 لاکھ کیوسک سے اوپر پانی کو سپر فلڈ کی کیٹیگری میں رکھا جاتاہے۔مراد علی شاہ کا کہنا تھا کہ 4 ستمبر کی صبح معلوم ہوسکے گا کہ پنجند پر کتنا پانی پہنچا ہے جب کہ 6 ستمبر کو کسی وقت بھی گڈو بیراج پر انتہائی اونچے درجے کاریلا ہوگا۔
وزیراعلی کا کہنا تھا کہ گڈو اور سکھر بیراج کا جائزہ لیا، رائٹ بینک پر بندوں میں 5 یا 6 پوائنٹس پر بریچ کا خدشہ ہے، لیفٹ بینک پر شینک بند تشویشناک ہوتا ہے، 5 سے 7 لاکھ کیوسک پانی میں کتنے گاؤں متاثر ہوں گے ڈیٹا موجود ہے۔ انہوں نے مزید کہا کہ ہم نے 9 لاکھ کیوسک سے زائد پانی کی تیاری کررکھی ہے، پاکستان آرمی اور نیوی سے مدد مانگی ہوئی ہے، نیوی کی کشتیاں بھی موجود ہیں، محکمہ ہیلتھ کو وہاں پر تعینات کردیا ہے اورکیمپس لگے ہوئے ہیں۔ انہوں نے کہا کہ ہم نے اپنے بیراج اور بند محفوظ رکھنے ہیں، اس طرح کے سیلاب میں بند لیک کرجاتے ہیں تاہم محکمہ انہار پراعتماد ہیں کہ پانی کو بیراجوں سے گزار لیں گے، ساڑھے 5 لاکھ کیوسک پانی ہم چند روز پہلے گڈو بیراج سے گزار چکے ہیں۔
