ایران (مانیٹرنگ ڈیسک) قطر کے دارالحکومت دوجہ میں اسرائیل کی جانب سے حماس رہنمائوں پر حملے کیے گئے جس پر ایران کا ردعمل بھی سامنے آگیا ہے جس میں شدید مذمت کی گئی ہے۔
انٹرنیشنل میڈیا کے مطابق ایرانی وزارت خارجہ کے ترجمان نے دوحہ میں اسرائیل کی جانب سے حماس کے رہنماؤں کو نشانہ بنانے کے عمل کو خطرناک اور بین الاقوامی قانون کی صریح خلاف ورزی قرار دیا ہے۔ میڈیا کے مطابق ایران کی وزارت خارجہ کے ترجمان اسماعیل بقائی نے کہا کہ یہ انتہائی خطرناک اور مجرمانہ اقدام ہے، جو بین الاقوامی قوانین و ضوابط کی کھلی خلاف ورزی اور قطر کی قومی خودمختاری اور جغرافیائی سالمیت کی صریح پامالی ہے۔ خیال رہے کہ اسرائیل نے قطر پر فضائی حملہ کرکے مقبوضہ فلسطین کی مزاحمتی تنظیم حماس کے سینیئر ترین رہنما خلیل الحیہ اور دیگر کو نشانہ بنانیکا دعوی کیا ہے۔
