امریکا (مانیٹرنگ ڈیسک) قطر کے دارالحکومت دوحا پر فضائی حملے کے بعد اسرائیلی وزیراعظم نیتن یاہو کو لینے کے دینے پڑ گئے ہیں ، اسرائیل کو لینے کے دینے کیوں پڑے؟ سچائی سامنے آگئی۔
انٹرنیشنل میڈیا کے مطابق امریکی دباؤ کے باوجود نیتن یاہو نے منصوبے کی کئی شقوں میں ترامیم کرا کے اسرائیل کے حق میں خاص طور پر غزہ سے انخلا اور فلسطینی ریاست کے ذکر پر تبدیلیاں شامل کیں۔ فلسطین کی مزاحمتی تحریک حماس نے ڈونلڈ ٹرمپ کے امن منصوبے پر مثبت ردعمل دیا تاہم کچھ نکات پر تحفظات کا اظہار کرتے ہوئے انہیں تسلیم کرنے سے انکار کر دیا۔
میڈیا رپورٹس کے مطابق ستمبر میں اسرائیلی حملے نے قطر میں غزہ پر مذاکراتی عمل کو سبوتاژ کیا، جس پر خطے اور واشنگٹن میں شدید ردِعمل سامنے آیا۔ دوحا پر اسرائیلی حملے کے بعد امریکا اور عرب ممالک کی جانب سے آنے والے شدید دبا نے اسرائیل کو ٹرمپ کے غزہ امن منصوبے پر لچک دکھانے پر مجبور کیا۔ پاکستان میں بھی مختلف طبقہ فکر کی طرف سے غزہ امن منصوبے پر اختلاف سامنے آیا، تاہم وزیر اعظم شہباز شریف نے منصوبے کا خیر مقدم کیا۔
