فلسطین (مانیٹرنگ ڈیسک) فلسطینی معیشت دو سال میں تباہ کیسے ہوئی؟ اس حوالے سے تجارتی اور ترقیاتی ایجنسی برائے اقوام متحدہ کیرپورٹ میں چونکا دینے والا انکشاف سامنے آیا ہے۔
انٹرنیشنل میڈیا کے مطابق یو این ایجنسی کی رپورٹ میں کہا گیا ہے کہ فلسطینی معیشت 2 سال میں اب تک کے بدترین زوال کا شکار ہو گئی ہے، دو سال کے دوران ہونے والے اسرائیلی حملوں میں مقبوضہ فلسطینی علاقے میں بنیادی ڈھانچے کو نقصان پہنچا، صنعتوں، عوامی خدمات کے شعبوں کو شدید نقصان پہنچا۔
رپورٹ میں کہا گیا ہے کہ غزہ کی بحالی میں کئی دہائیاں لگ سکتیں ہیں، بحالی کے لیے غزہ وسیع تر بین الاقوامی مدد پر انحصار کریگا، مغربی کناریکی معیشت بھی ریکارڈ حد تک سکڑ گئی ہے، مغربی کنارے کی گرتی معیشت کی بڑی وجہ اسرائیلی پابندیاں، آمدورفت پر سخت کنٹرول ہے۔ اقوام متحدہ کی تجارتی اور ترقیاتی ایجنسی کی رپورٹ کے مطابق فلسطینی معیشت کی فی کس پیداوار2003 کی سطح پر واپس آ گئی ہے، یہ معاشی بحران 1960 کے بعد دنیا کے 10 بدترین معاشی زوال میں سے ایک ہے۔
