اسلام آباد(سپورٹس ڈیسک) قائداعظم ٹرافی کے سلسلے میں کھیلے گئے میچ کے دوران اسلام آباد ٹیم کے بائولر محمد موسی نے ڈبل ہیٹ ٹرک کر کے ایک نئی تاریخ رقم کر دی اور پشاور کو شکست بھی دیدی۔
تفصیلات کے مطابق قائداعظم ٹرافی کے آخری رؤانڈ میں ڈائمنڈ کرکٹ گراؤنڈ اسلام آباد میں کھیلے گئے میچ میں محمد موسی نے پشاور کے خلاف 4 گیندوں پر 4 وکٹیں حاصل کیں۔ محمد موسی کی یہ شاندار کارکردگی گزشتہ 10 سال میں قائداعظم ٹرافی کی پہلی ڈبل ہیٹ ٹرک ہے۔ محمد موسی نے پشاور کے خلاف دوسری اننگز میں یہ کارنامہ سرانجام دیا، اس سے قبل پہلی اننگز میں بھی انہوں نے 5 وکٹیں حاصل کی تھیں۔ محمد موسی کی شاندار بائولنگ کی بدولت اسلام آباد نے پشاور کے خلاف اننگز اور 77 رنز سے فتح حاصل کی اور قائداعظم ٹرافی میں اپنے سفر کا اختتام بہتر کارکردگی کے ساتھ کیا۔
