کراچی (کھوج نیوز) شہر قائد کراچی میں آوارہ کتوں کی بھرمار ، چند ماہ قبل آوارہ کتے کے کاٹنے سے زخمی ہونے والے لڑکا دم توڑ گیا ہے یہ لڑکا جیکب آباد کا رہائشی تھا اور اسپتال میں زیر علاج تھا۔
واضح رہے کہ 2 ماہ قبل آوارہ کتے نے لڑکے کے ہاتھوں اور ٹانگ پر کاٹا تھا، جس کے بعد لڑکے میں ریبیز کی علامتیں ظاہر ہوگئی تھیں۔ علاج نہ ہونے کے باعث لڑکے کو صرف درد کم کرنے کی دوائیں دی جارہی تھیں۔ اسپتال حکام کے مطابق بچے کو ایک روز قبل تشویشناک حالت میں اسپتال لایا گیا تھا۔ تاہم آج وہ کراچی میں انتقال کر گیا۔
