قصور (کھوج نیوز) قصور کے محلہ اقبال نگر میں ادھار کی رقم واپس مانگنا مہنگا پڑ گیا جس پر جواں سالہ لڑکا قتل ہوگیا جبکہ ملزم موقع سے فرار ہونے میں کامیاب ہوگیا، پولیس نے تحقیقات شروع کر دی۔
تفصیلات کے مطابق ریسکیو 1122 کے ذرائع نے بتایا ہے کہ 18 سالہ ہارون مسیح نے کریانہ کی دکان بنا رکھی تھی، ملزم طمان نے پیسے مانگنے پر چھری سے ہارون کی شہ رگ کاٹ دی۔ملزم کے حملے میں ہارون شدید زخمی ہوگیا جو ہسپتال لے جاتے ہوئے راستے میں دم توڑ گیا۔پولیس تھانہ راجہ جنگ نے لاش کو قبضے میں لے کر ہسپتال منتقل کر دیا جبکہ واقعے کی مزید تفتیش جاری ہے۔
