سرینام (مانیٹرنگ ڈیسک) جنوبی امریکی ملک سرینام میں باپ نے چاقو سے حملہ کرکے5 بچوں سمیت 9 افراد کو ہلاک کر دیا جبکہ 2 زخمی بھی ہوئے اور زخمیوں کو طبی امداد کیلئے اسپتال منتقل کر دیاگیا۔
انٹرنیشنل میڈیا کے مطابق بیوی سے جھگڑے کے بعد طیش میں آکر خاوند نے بچوں پر حملہ کر دیا، ہلاک افراد میں بچوں کے ساتھ پڑوسی بھی شامل ہیں، ملزم نے پولیس اہلکاروں پر بھی حملے کی کوشش کی۔پولیس نے ٹانگ میں گولی مارکر ملزم کو زخمی کر دیا اور حراست میں لے کر ہسپتال منتقل کر دیا، واقعے کی مزید تحقیقات کی جاری ہے۔
