افغان طالبان کے 4سالہ دور میں کتنی گرفتاریاں اور کتنی ہلاکتیں ہوئیں؟ رپورٹ جاری
افغانستان (مانیٹرنگ ڈیسک) افغان طالبان کے 4سالہ دور حکومت میں کتنی گرفتاریاں اور کتنی ہلاکتیں ہوئیں؟ اس حوالے سے اقوام متحدہ نے حیران کن رپورٹ جاری کر دی ہے۔
انٹرنیشنل میڈیا کے مطابق یو این رپورٹ میں بتایا گیا ہے کہ افغانستان میں2025ء کے دوران 123 سابق فوجی اہلکار قتل اور 131 افرادکو تشددکانشانہ بنایا گیاہے جب کہ سابق افغان کمانڈر کو 24 دسمبر کو تہران میں فائرنگ کرکے قتل کر دیا گیا تھا۔
رپورٹ کے مطابق افغان میڈیا کا بتانا ہے کہ افغان انٹیلی جنس اہلکار نے اعتراف کیا ہے کہ وہ متعددحملوں میں ملوث رہا ہے۔ہیومن رائٹس واچ کے مطابق ستمبر 2025ء کے آخر میں قندھار شہر میں طالبان فورسز نے سابق فوجی اہلکار باز محمد کو گرفتار کیا، کچھ دن بعد باز محمد کی لاش ان کے ورثاء کو ملی، اقوام عالم کو افغان طالبان رجیم کے انسانیت سوزمظالم پرفوری اقدامات کرنے چاہئیں۔
اس حوالے سے یو این امدادی مشن برائے افغانستان نے بتایا کہ2021ء کے بعد سے بلا جواز گرفتاریاں، جبری گمشدگیاں اور قتل کی وارداتیں معمول بن گئی ہیں، 2023ء میں تقریبا ً200 سابق افغان فوجیوں کو قتل کیا گیا۔ ہیومن رائٹس واچ کی رپورٹس بھی2021ء کے بعد افغانستان میں جبری گمشدگی اور قتل کے کئی واقعات کی تصدیق کی ہے۔
